ਸਿੱਧੂ ਮੁਸੇਵਾਲਾ ਦੀ ਮਾਂ ਚਰਨ ਕੌਰ ਦਾ ਜਾਲੰਧਰ ਪੁਤਲਾ ਕਾਂਡ ‘ਤੇ ਵੱਡਾ ਕਦਮ — ਕ੍ਰਿਸਚਨ ਗਲੋਬਲ ਐਕਸ਼ਨ ਕਮੇਟੀ ਨੂੰ 10 ਲੱਖ ਰੁਪਏ ਦਾ ਲੀਗਲ ਨੋਟਿਸ
ਪੰਜਾਬੀ ਗਾਇਕ ਸਿੱਧੂ ਮੁਸੇਵਾਲਾ ਦੀ ਮਾਤਾ ਚਰਨ ਕੌਰ ਨੇ ਜਾਲੰਧਰ ਵਿੱਚ ਹੋਏ ਪਤਲਾ ਸਾੜਨ ਦੇ ਮਾਮਲੇ ਨੂੰ ਲੈ ਕੇ ਸਖ਼ਤ ਰਵੱਈਆ ਅਪਣਾਇਆ ਹੈ। ਚਰਨ ਕੌਰ ਨੇ ਆਪਣੇ ਵਕੀਲ ਗੁਰਵਿੰਦਰ ਸੰਧੂ ਰਾਹੀਂ ਕ੍ਰਿਸਚਨ ਗਲੋਬਲ ਐਕਸ਼ਨ ਕਮੇਟੀ ਨੂੰ 10 ਲੱਖ ਰੁਪਏ ਦਾ ਲੀਗਲ ਨੋਟਿਸ ਭੇਜਿਆ ਹੈ, ਜਿਸ ਨੇ ਇਸ ਪੂਰੇ ਮਾਮਲੇ ਨੂੰ ਨਵੇਂ ਵਿਵਾਦ ਵਿੱਚ ਧੱਕ ਦਿੱਤਾ ਹੈ।
ਨੋਟਿਸ ਵਿੱਚ ਕੀ ਹੈ?
ਨੋਟਿਸ ਵਿੱਚ ਚਰਨ ਕੌਰ ਵੱਲੋਂ ਕਮੇਟੀ ਨਾਲ ਇਹ ਸਪਸ਼ਟ ਕਰਨ ਦੀ ਮੰਗ ਕੀਤੀ ਗਈ ਹੈ ਕਿ—
-
ਜਾਲੰਧਰ ਵਿੱਚ ਉਨ੍ਹਾਂ ਦਾ ਪੁਤਲਾ ਕਿਨ੍ਹਾਂ ਦੇ ਨਿਰਦੇਸ਼ਾਂ ‘ਤੇ ਲਗਾਇਆ ਤੇ ਸਾੜਿਆ ਗਿਆ?
-
ਇਸ ਪੂਰੇ ਘਟਨਾ ਦੀ ਜ਼ਿੰਮੇਵਾਰੀ ਕੌਣ ਲਏਗਾ?
ਉਨ੍ਹਾਂ ਨੇ ਕਮੇਟੀ ਨੂੰ 15 ਦਿਨਾਂ ਦੇ ਅੰਦਰ ਇਸ ਦੀ ਵਾਜਬ ਵਜ੍ਹਾ ਅਤੇ ਪੂਰਾ ਸਪਸ਼ਟੀਕਰਨ ਦੇਣ ਲਈ ਕਿਹਾ ਹੈ।
ਮੰਗ: ਮਾਫ਼ੀ ਅਤੇ ਮੂਆਵਜ਼ਾ
ਚਰਨ ਕੌਰ ਨੇ ਨੋਟਿਸ ਵਿੱਚ ਇਹ ਤਿੰਨ ਮਹੱਤਵਪੂਰਨ ਮੰਗਾਂ ਰੱਖੀਆਂ ਹਨ—
-
ਕਮੇਟੀ ਲਿਖਤੀ ਮਾਫ਼ੀ ਜਾਰੀ ਕਰੇ।
-
ਇਹ ਮਾਫ਼ੀ ਅਖ਼ਬਾਰਾਂ ਵਿੱਚ ਛਪਾਈ ਜਾਵੇ ਅਤੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ‘ਤੇ ਵੀ ਸਾਂਝੀ ਕੀਤੀ ਜਾਵੇ।
-
ਉਨ੍ਹਾਂ ਨੂੰ 10 ਲੱਖ ਰੁਪਏ ਦਾ ਮੂਆਵਜ਼ਾ ਦਿੱਤਾ ਜਾਵੇ।
ਕਾਨੂੰਨੀ ਕਾਰਵਾਈ ਦੀ ਚੇਤਾਵਨੀ
ਨੋਟਿਸ ਵਿੱਚ ਸਪਸ਼ਟ ਗਿਆ ਹੈ ਕਿ—
ਜੇਕਰ 15 ਦਿਨਾਂ ਦੇ ਅੰਦਰ ਨਾ ਤਾਂ ਮਾਫ਼ੀ ਆਉਂਦੀ ਹੈ ਅਤੇ ਨਾ ਹੀ ਕੋਈ ਲਿਖਤੀ ਜਵਾਬ, ਤਾਂ ਚਰਨ ਕੌਰ ਕਮੇਟੀ ਖ਼ਿਲਾਫ਼ ਕਾਨੂੰਨੀ ਕਾਰਵਾਈ ਸ਼ੁਰੂ ਕਰਨਗੇ।
ਮਾਮਲੇ ਨੇ ਕਿਉਂ ਪਕੜੀ ਤਪਸ਼?
ਸਿੱਧੂ ਮੁਸੇਵਾਲਾ ਦੇ ਦੇਹਾਂਤ ਤੋਂ ਬਾਅਦ ਚਰਨ ਕੌਰ ਲਗਾਤਾਰ ਸਿੱਖਿਆ, ਨੌਜਵਾਨਾਂ ਅਤੇ ਇਨਸਾਫ਼ ਦੇ ਮੁੱਦਿਆਂ ‘ਤੇ ਆਵਾਜ਼ ਉਠਾਉਂਦੀਆਂ ਰਹੀਆਂ ਹਨ। ਉਨ੍ਹਾਂ ਦਾ ਪਤਲਾ ਸਾੜਨਾ ਇੱਕ ਸੰਵੇਦਨਸ਼ੀਲ ਅਤੇ ਉਕਸਾਉਣ ਵਾਲੀ ਘਟਨਾ ਮੰਨੀ ਜਾ ਰਹੀ ਹੈ, ਜਿਸ ਕਰਕੇ ਇਹ ਵਿਵਾਦ ਹੁਣ ਹੋਰ ਵੀ ਗੰਭੀਰ ਰੂਪ ਧਾਰਦਾ ਜਾ ਰਿਹਾ ਹੈ।
